Yanğınsöndürmə avadanlığı və ləvazimatı

Paylaşmaq!

Yanğınsöndürmə avadanlığı və ləvazimatı elektron dərsimizin əsas mövzusu olacaq. Odur ki, əziz dostlar, dəyərli oxucularım və dinləyicilərim, həmçinin gadirov.com saytının daimi ziyarətçiləri, youtube abunəçilərim və sosial şəbəkə istifadəçilərim sizləri Yanğından Mühafizə moduluna həsr olunmuş elektron dərsliyində salamlayıram.

Yanğınsöndürmə avadanlığı və ləvazimatı

Yanğınla mübarizə məqsədilə hansı ləvazimat və alətlərdən istifadə olunur?

Yanğınla mübarizə məqsədilə odsöndürücülər, yanğın söndürmə quruluşları, yanğın ləvazimatı və alətlərindən istifadə olunur.Yanğınların ilk mərhələsində əl odsöndürücülərindən istifadə olunur.

Əl odsöndürücüləri od söndürmə vasitələrinin növünə görə neçə qrupa bölünür?

1. köpüklü
2. qazlı
3. Mayeli
4. Ovuntu (toz)

Köpüklü işləyən ilk əl yanğın söndürücüsü

OXP-10, OP-M, OP-9MM əl yanğın söndürücüsü

Karbon qazı ilə işləyən ilk əl yanğın söndürücüsü

(OU-2, OU-5, OU-8, OU-2MM, OU-5MM) əl yanğın söndürücüsü

Karbon anhidridli etilbromidlə işləyən əl yanğın söndürücüsü

(OUB, OUB-3, OUB-5) əl yanğın söndürücüsü

Tozşəkilli maddə ilə işləyən əl yanğın söndürücüsü

(OPS-10 növlü) əl yanğın söndürücü

Köpüklü odsöndürücülər hansı yanğınların söndürülməsi zamanı işlədilir?

Köpüklü odsöndürücülər bərk və maye maddələrin yanmasının söndürülməsində işlədilir. Su-köpük məhlulu yanğının güclənməsinə səbəb olduqda və yaxud elektrik cərəyanı keçirdikdə köpüklü od söndürənlərdən istifadə edilməməlidir.

Qazla işləyən odsöndürücü hansı yanğınların söndürülməsi zamanı işlədilir?

Qazla işləyən odsöndürücülərdən kiçik yanğınları söndürmək üçün istifadə edilir. Oksigensiz davam edən yanmada belə odsöndürücüdən istifadə olunmur. Odsöndürücü vasitə kimi karbon qazından, azotdan və ya başqa inert qazlardan istifadə edilir.

Hava-köpük OVP-100 odsöndürücüsü

Səyyar hava-köpük OVP-100 odsöndürücüsü konstruksiyasına görə sadə və istismar baxımından etibarlıdır.Bu odsöndürücü 80-90 saniyə ərzində 18 kvadrat metr açıq sahədə yanğın söndürmə qabiliyyətinə malikdir.

Yanğın söndürmək üçün hansı yanğın maşınlarından istifadə olunur?

Əsas yanğın maşınlarına avtosistern və avtonasoslar daxildir. Bu maşınlar yanğın dəstəsinin şəxsi heyətini yanğın söndürməyə lazım olan şlankları, avadanlıq, alət və cihazları hadisə yerinə daşıyıb gətirmək üçündür. Avtosisterin və avtonasoslarla mərkəzdənqaçma su nasosları və hava-mexaniki köpük hazırlamaq üçün quruluş vardır.Hazırda geniş yayılmış AÜ-30, AÜ-40 və s. tipli avtosisternlər QAZ, ZİL, MAZ, KRAZ  tipli avtomobillərin şassisi üzərində yerləşdirilir. Onların su tutumu 1000…5000 litrdir. Nasosların məhsuldarlığı 25…80 litr/saniyədir. Avtosisternlərdə köpükləndirici tərkib üçün 150 litr həcmində cən qoyulur.

© İstifadə edilərkən gadirov.com-a istinad olunmalıdır