Outlook proqramının interfeysi ilə tanışlıq elektron dərsimizin əsas mövzusu olacaq. Odur ki, əziz dostlar, dəyərli oxucularım və dinləyicilərim, həmçinin gadirov.com saytının daimi ziyarətçiləri, youtube abunəçilərim və sosial şəbəkə istifadəçilərim sizləri Virtual mühitdə iş bacarıqları moduluna həsr olunmuş elektron dərsliyində salamlayıram.
Məqalənin mündəricatı
Outlook proqramının interfeysi ilə tanışlıq
Əgər siz başqa elektron poçt xidmətindən və ya Outlook proqramının başqa versiyasından istifadə edirsinizsə, o zaman interfeys fərqli olsada daxildəki elementlər eyni olacaq. Outlook elektron poçtu bir sıra elementlərdən təşkil olunmuşdur. Məlumdur ki, elektron poçtun bir sıra funksiyaları vardır. Bununla belə interfeysin əsas elementləri bizə elektron poçtu oxumaq, təşkil etmək, göndərmək və cavab vermək kimi imkanlar verir. Bu elementlərlə tanış olaq.
Outlook elektron poçt qutusu hansı elementlərdən təşkil olunmuşdur?
Gələnlər (İnbox) qovluğu
Bu qovluq bütün daxil olan məktublara baxmaq üçün istifadə olunur. Məktublarda adətən göndərənin adı,məktubun mövzusu,vaxtı və tarixi göstərilir.
İstəyənizə uyğun olaraq məttublarınızı ayrıca qovluqda təşkil edə bilərsiniz. Bu qovluq məktublar siyahısı ilə birlikdə bir sırada əks olunacaqdır.
Hansı qovluqlar avtomatik rejimdə mövcud olur?
Qaralamalar(Drafts) qovluğu
Qaralamalar qovluğu avtomatik rejimdə mövcud olur. Bu qovluq hələ göndərilməyən məktublar üçündür.
Göndərilənlər (Sent item) qovluğu
Bu qovluq göndərilən məktublar üçün istifadə olunur.
Sil (Delete items) qovluğu
Bu qovluq silinmiş məktublar üçün nəzərdə tutulmuşdur.
Məktubların təşkil olunma xüsusiyyətini necə yaxşılaşdırmaq olar?
Bunun üçün New folder (Создать папку) seçimində istifadə olunur. Bu seçim bizə məktubların təşkil olunma xüsusiyyətini yaxşılaşdırmağa imkan verir.
Belə ki, öz məktublarımızdan ibarət yeni qovluq yaratmağa imkan verir.
Yeni məktub yaratmaq (New message) düyməsi
Bu düymənin köməyi ilə yeni məktub yaratmaq olar.
Bu məktub daxilində yeni məlumat daxil etmək, onu formatlamaq və fayl əlavə etmək üçün yeni boş sahə açılacaqdır.
© İstifadə edilərkən gadirov.com-a istinad olunmalıdır.
