Fayl və qovluqların yaradılması və yüklənməsi elektron dərsimizin əsas mövzusu olacaq. Odur ki, əziz dostlar, dəyərli oxucularım və dinləyicilərim, həmçinin gadirov.com saytının daimi ziyarətçiləri, youtube abunəçilərim və sosial şəbəkə istifadəçilərim sizləri Virtual mühitdə iş bacarıqları moduluna həsr olunmuş elektron dərsliyində salamlayıram.
Məqalənin mündəricatı
Fayl və qovluqların yaradılması və yüklənməsi
Onedrive-da fayl və qovluqdan nə zaman daxil olmaq olar?
Onedrive-da fayl və qovluq yaratdığınız zaman harada olursunuzsa olun, onlara daxil ola bilərsiniz.
Onedrive-da faylı necə yaratmaq olar?
Bir fayl yaratmaq üçün Yeni (New—Cоздать) seçin, və açılan menyudan istədiyiniz fayl növünü-Word faylını seçin. Beləliklə növbəti səhifədə Word proqramının online versiyası yüklənir.
Burada faylın adını dəyişə, daxilində adi Word proqramında olduğu kimi mətn daxil və redaktə edə, formatlaya və sair digər əməliyyatları aparmaq olar. Nəzərinizə çatdırım ki, bütün əməliyyat online aparıldığı üçün şəbəkənizdə aktiv internetin olmasında əmin olun.
Word proqramının online versiyası ilə işi tamamladıqdan sonra həmin səhifəni bağlayın. Beləliklə Onedrive proqramında artıq sizin yaradığınız fayl bir müddətdən sonra görsənəcək.
Onedrive-da qovluğu necə yaratmaq olar?
Bir qovluq yaratmaq üçün Yeni (New—Cоздать) seçin və açılan menyudan Папку (Folder) sətrini seçin.
Açılan növbəti pəncərədə qovluğa ad verin və yarat düyməsini sıxın. Beləliklə Onedrive-da yeni qovluq yarandı.
Yaranmış yeni qovluq
Onedrive-a qovluğu və faylı necə yükləmək olar?
Bunun üçün Onedrive proqramında olan fayl və qovluğu yükləmək üçün Upload (Отправить) adlanan menyuya daxil oluruq.
Açılmış menyudan göndərmək istəyimiz obyekti seçirik.
© İstifadə edilərkən gadirov.com-a istinad olunmalıdır.
