Web-səhifələrin yadda saxlanması bugün ki, elektron dərsimizin əsas mövzusu olacaq. Odur ki, əziz dostlar, dəyərli oxucularım və dinləyicilərim, həmçinin gadirov.com saytının daimi ziyarətçiləri, youtube abunəçilərim və sosial şəbəkə istifadəçilərim sizləri Şəbəkə və şəbəkə resurslarından istifadə moduluna həsr olunmuş elektron dərsliyində salamlayıram.
Web-səhifələrin yadda saxlanması
Web-brauzerin köməyi ilə istənilən səhifəni asanlıqla yadda saxlamaq olar. İlk növbədə ünvan sətrində ünvanı yazıb səhifəni yükləmək lazımdır. www.azerbaijan.az yazın və Enter düyməsini basın. Səhifə yükləndikdən sonra Fayl (File)
menyusundan Yadda saxlamaq (Save) əmrini seçin. Açılan dialoq pəncərəsində içində faylı saxlamaq istədiyiniz qovluğu seçin və Faylın adı sahəsində Azərbaycan adını yazın. Sonra Faylın tipi (Save as type) açılan siyahısından HTML faylı (Web page, HTML only (*.htm, *.html)) sətrini seçin. Yadda saxlama əməliyyatını sona çatdırmaq üçün Yadda saxlamaq (Save) düyməsini basın. Beləliklə, Web səhifə yaddaşa yazıldı.
Web-səhifələrin yadda saxlanması
© İstifadə edilərkən gadirov.com-a istinad olunmalıdır
