Salam əziz dostlar, dəyərli oxucularım və dinləyicilərim, həmçinin gadirov.com saytının daimi ziyarətçiləri, YouTube abunəçilərim və sosial şəbəkə istifadəçilərim. Xoş gördük sizləri. Həm şırnaqlı, həm də lazer printerləri kağızda görüntünü yaratmaq üçün mürəkkəbdən istifadə edir. Şırnaqlı printerlər üçün bu, mürəkkəbli kartric [cartridge; картридкж], lazer printerləri üçün isə yenə də kartricdə olan tozşəkilli mürəkkəb, yaxud tonerdən ibarətdir.
Printer üçün katric
Katric quruduqda yenisi alınmalıdır. Üç rəngli mürəkkəbli katricdə rənglərdən biri qurtardıqda da kartrici yeniləmək gərəkdir. Şırnaqlı printerdə katrici dəyişdirmək üçün öncə köhnəsini çıxarın. Yeni katricin qablaşdrıldığı folqanı (zərvərəqi) ehmalca açın. Qoruyucu örtüyü qoparın atın və printerin təlimatında göstərilən qaydada katrici yerinə taxın. Lazer printerlərində tonerin qurtarmağa yaxınlaçmasını ya xüsusi indikator, ya da maye-kristal tabloda çıxan Toner low yazısı vasitəsilə bilmək olur. Bu hal yarandıqda katrici çıxarıb otərəf-butərəfə silkələyin və yenidən yerinə qaytarın. Bu müəyyən müddət işləməyə yetəcək, ancaq həmin xəbardarlıq ikinci dəfə baş verdikdə katrici dəyişdirmək lazım gələcək. Şırnaqlı printerlərdə mürəkkəbin sona yaxınlaşması ya printerin idarəetmə panelindəki indikator, ya da kompüterin ekranında məlumat şəklində bildirilir.
© İstifadə edilərkən gadirov.com-a istinad olunmalıdır
