Rəng modelləri (RGB,CMYK,HSB) bugünkü, elektron dərsimizin əsas mövzusu olacaq. Odur ki, əziz dostlar, dəyərli oxucularım və dinləyicilərim, həmçinin gadirov.com saytının daimi ziyarətçiləri, youtube abunəçilərim və sosial şəbəkə istifadəçilərim sizləri Dizayn Proqramları moduluna həsr olunmuş elektron dərsliyində salamlayıram.
Məqalənin mündəricatı
Rəng modelləri (RGB,CMYK,HSB)
Rəng nədir?
Təbiətdə baş vermiş bütün hadisələri, həmçinin gündəlik həyatda rastlaşdığımız predmetləri ona görə görmək mümkün olur ki, onlar ya işıq saçır, ya da işığı əks edir. Rəng şüalanmanın gözə təsirinin xarakteristikasıdır. Beləliklə, işıq şüası gözün torlu qişasına düşəndə rəng hissi yaradır.
Şüalanan işıq nədir?
Mənbədən bilavasitə gözə düşən şüalanan işıq, özündə, onu yaradan bütün rəngləri saxlayır. Şüalanan işıq mənbədən (məsələn, günəşdən, lampadan, monitorun ekranından və s.) çıxan isığa deyilir. Obyektdən əks olunan işıq dəyişə bilir. İşıq mənbəyi olmayan ixtiyari predmet işığı ya müəyyən qədər udur, ya da əks etdirir. Günəş və digər işıq mənbələri kimi monitor da işıq şüalandırır. Təsvir çap edilən kağız isə işıgı əks etdirir. İşıq həm şüalanma, həm də əks olunma proseslərində alina bildiyinə görə işığin şərh edilməsi üçün bir birinin əksi olan iki üsul: additiv və subtraktiv rəng modelləri mövcuddur.
RGB rəng rejimi
Bu, əsas və ən populyar rəngli ekran rejimidir. Kompüter monitorunda, televizorda, telefonda, rəqəmsal kamerada və digərlərində gördüyünüz şəkillər işıqdan ibarətdir. Gözləriniz yüzlərlə fərqli dalğa boyuna həssas olmasına baxmayaraq, ekranlarda gördüyünüz bütün rəngləri çoxaltmaq üçün yalnız üçü kifayətdir — qırmızı, yaşıl və mavi (RGB).
Üç rəngdən hər biri təqdim olunan rənglərdən hər hansı birinin parlaqlığını təsvir edən 0 ilə 255 arasındakı ədədi bir dəyərə malikdir. Sənədin bit dərinliyi nə qədər yüksəkdirsə, bir o qədər çox detal ehtiva edə bilər. Bu rejimdə 8,16 və 32 bit sənədləri seçə bilərsiniz.
Bu rejimdə qeyd olunan ən adi görüntünün nümunəsi
CMYK rəng rejimi
Bu rejim çapda istifadə olunan rəngləri simulyasiya edir. Adı mavi, Çəhrayi (al-qırmızı) , sarı və qara (CMYK) rənglər deməkdir. RGB qədər bir çox rəng ehtiva etmir. Çünki yalnız inkjet printerlə və ya ticarət ofset və ya rəqəmsal çapla kağız üzərində çoxaldıla bilən rənglərlə məhdudlaşır. Beləliklə, istifadə edilməsinin əsas səbəbləri aşağıdakılardır — çap üçün bir şəkil hazırlamaq. Rəng dəyişiklikləri adi gözlə də görülə bilər — rənglər daha parlaq və doymuş olur.
CMYK formatında şəkil nümunəsi
HSB rəng rejimi
HSB (hue-saturation-brightness) rəng tonu-doyma-parlaqlıq – kompüter qrafikasında rəngləri təsvir etmək üçün istifadə olunan rəng modelidir.
HSB — prinsipcə RGB-nin analoqu sayılır. Onun rənglərinə əsaslanır. Lakin koordinat sistemində fərqlənən bir modeldir. Bu modeldəki hər hansı bir rəng Hue, Doyma və Parlaqlıq ilə xarakterizə olunur. Hue, rəng modelinin rəng hissəsidir və 0 ilə 360 dərəcə bir sıra olaraq ifadə edilir. Doyma (SATURATION), verilmiş çalarlı rəngin qatılığıdır və çox zaman 0-100 aralığında faizlə ifadə olunur; məsələn, yangınsöndürən maşının qırmızı rəngi yüksək doymuş rəngdir, çəhrayı rəng isə zəif doyub. Parlaqlıq (BRIGHTNESS), verilmiş rəngdə ağ rəngin miqdarıdır: 0 – qara rəngə, 100 isə ag rəngə uyğundur.
HSB modelinə HLS (hue-lightness-saturation) modeli və ya HSV (hue-saturation-value) modeli də deyilir.
Beləliklə biz Rəng modelləri (RGB,CMYK,HSB) mövzusu ilə tanış olduq. Sonda bir müəllif kimi qeyd etmək istəyirəm ki, elektron dərsliyim müstəqil öyrənmək istəyən yeni başlayan istifadəçilər, müəllimlər və istehsalat təlimi ustaları üçün nəzərdə tutulub. İnanıram ki, yeni öyrənən istifadəçilər üçün bu elektron dərsim də faydalı olacaq. Odur ki, xeyirxah iş görmək imkanını qaçırmayın. Mövzunu sosial şəbəkələrin birində paylaşın. Kanalıma abunə olun ki, bu elektron dərsdən digər dostlarınızda yararlana bilsinlər. Baxdığınız və kanalımı izlədiyiniz üçün sizlərə təşəkkür edirəm.
© İstifadə edilərkən gadirov.com-a istinad olunmalıdır
