Dəm qazı ilə zəhərlənmə zamanı ilk yardım bugünki, elektron dərsimizin əsas mövzusu olacaq. Odur ki, əziz dostlar, dəyərli oxucularım və dinləyicilərim, həmçinin gadirov.com saytının daimi ziyarətçiləri, youtube abunəçilərim və sosial şəbəkə istifadəçilərim sizləri İlk Yardım moduluna həsr olunmuş elektron dərsliyində salamlayıram.
Məqalənin mündəricatı
Dəm qazı ilə zəhərlənmə zamanı ilk yardım
Dəm qazı ilə zəhərlənmənin ilk əlamətləri nədir?
Dəm qazı ilə yüngül zəhərlənmə zamanı zərərçəkəndə başgicəllənmə, baş ağrısı, quru öskürək, ürəkbulanma, qusma kimi əlamətlər meydana çıxır. Daha ağır zəhərlənmə zamanı isə qıcolmalar,, beyin ödemi, ürəyin zədələnməhuşun uzun müddət itirilməsi baş verir. Yadda saxlamaq lazımdır ki, kiçik yaşlı uşaqlar az miqdarda dəm qazından hətta həyatlarını itirə bilərlər!
Dəm qazı ilə zəhərlənmə zamanı hansı tədbiri görmək lazımdır?
- Zərərçəkəni dərhal açıq havaya çıxarmaq (balkona, çölə);
- Əynindəki paltarın yaxasını, kəmərini və s. Açmaq;
- Ona yarıoturaq vəziyyət vermək (ağ ciyər ödeminin qarşısını almaq üçün);
- Zərərçəkənin alnına, sinəsinə soyuq kompres qoymaq;
- Əgər zərərçəkən nəfəs almırsa və ürək dayanmışsa dərhal reanimasiya tədbirlərinə başlayın (“ürəyin xarici masajı” və “süni tənəffüs”).
© İstifadə edilərkən gadirov.com-a istinad olunmalıdır
