Advanced Chipset Features

Paylaşmaq!

Advanced Chipset Features bugünkü, elektron və video dərsimizin əsas mövzusu olacaq. Odur ki, əziz dostlar, dəyərli oxucularım və dinləyicilərim, həmçinin gadirov.com saytının daimi ziyarətçiləri, youtube abunəçilərim və sosial şəbəkə istifadəçilərim sizləri Kompüter qurğularını idarə edən sistemlər moduluna həsr olunmuş elektron dərsliyində salamlayıram.

Advanced Chipset Features

İnkişaf etmiş çipset seçimləri hansı bölmələrdən təşkil olunub?

1. CPU External Frequency (MHz)-Takt tezliyinin artırılması. Prosessorun orijinal xüsusiyyyətindən daha yüksək sürətdə işləməsi üçün istifadə olunan bölmədir.
2. CPU Frequency Multiple Setting— Prosessor sürətini təyin etməyə imkan verir.
3. System Performance-Sistem performansı parametrlərini müəyyən edir.
4. CPU Interface-CPU interfeysi
5. Memory Frequency-Yaddaşın tezliyi təyin edir.
6. Memory Timings-Yaddaş vaxtlarını təyin edir.
7. FSB Spread Spectrum— Sistemin elektromaqnit müdaxilə (EMI) mühitində işləməsinə imkan verir.
8. AGP Spread Spectrum — AGP şin tezliyini tənzimləmək üçün istifadə olunur.
9. CPU Vcore— CPU (prosessor) gərginliyi.
10. Graphics Aperture Size-Video yaddaşının ölçüsü.
11. AGP Frequency— AGP şin tezliyi parametrlərinin nizamlanması.
12. System BIOS Cacheable— Keşləmə üçün nəzərdə tutulan parametrləri nizamlanması.
13. Video RAM Cacheable- Seçim video kartın RAM-ını ikinci səviyyəli keş yaddaş kimi nəzərə almağa imkan verir.
14. DDR Reference Voltage- DDR modullarındakı gərginliyi müəyyən etməyə imkan verir.

CPU External Frequency (MHz)

Takt tezliyinin artırılması. Sistemi şini overclock etmək üçün istifadə olunur. Bu seçimi çalışın dəyişdirməyəsiniz. Bu parametri olduğu kimi buraxın. Prosessorun takt tezliyinin artırılması kompüterin məhsuldarlığının artırılması üçün o qədər də məsləhətli variant sayıla bilməz. Çünki prosessorun yararsız hala düşməsinə gətirib çıxara bilər. Takt tezliyinin artırılmasının əksi tezliynin aşağı salınmasıdır (throttling).

Prosessorun takt tezliyinin aşağı salınması prosessorun gücə qənaət etmək məqsədi ilə edilir. Başqa bir üstün cəhəti odur ki, prosessor daha az istilik verməsindən ötrü daha aşağı sürətdə fəaliyyət göstərməsi daha məsləhətlidir. Prosessorun takt tezliyinin aşağı salınmasından adətən noutbuk və mobil qurğularda istifadə olunur.

CPU Frequency Multiple Setting

Prosessor sürətini təyin etməyə imkan verir. Belə ki, prosessorun fəaliyyət göstərdiyi tezlik prosessorun sistem şini (FSB) sürətinin prosessorun sürətinin vuruğuna olan hasili ilə hesablanılır.

Prosessorlarda ümumiyyətlə sürət dəyişdirməyə icazə vermirlər (Intel üçün Extreme Edition və AMD üçün FX istisna olmaqla). Şinin tezliyi MHs ilə ölçülür.

System Performance

Performans parametrləri. Ümumiyyətlə Optimal olaraq təyin olunur.

CPU Interface-CPU interfeysi

Əvvəlki seçimdə olduğu kimi, dəyəri Optimal olaraq təyin etməlisiniz.

Memory Frequency

Yaddaşın tezliyini təyin edir. Ümumiyyətlə «SPD tərəfindən» olaraq təyin edilir. SPD (Serial Presence Detect) kompüterə yaddaş modullarının tezliyini, gərginliyini və digər parametrlərini izah edən xüsusi bir çipdir.

Overclock kimi bəzi hallarda, bütün bu parametrləri əl ilə qura bilərsiniz.

Memory Timings

Yaddaş vaxtlarını təyin edir (gecikmələr). Avtomatik vaxt nizamlanması üçün Auto olaraq təyin etmək yaxşıdır.

Overclock edərkən əksinə, sistemin daha sabit işləməsi üçün vaxtları artırmalısınız (gecikmələri artırın).

FSB Spread Spectrum-FSB Yayılma Spektri

Sistemin elektromaqnit müdaxilə (EMI) mühitində işləməsinə imkan verir. Bu funksiya sistem şin tezliyini daim dəyişir, buna görə FSB Spread Spectrum seçimi ilə sürətləndirmə istisna olunur.

Sistemin qeyri-sabitliyinə də səbəb ola bilər. Ümumiyyətlə bu seçimi disable etmək tövsiyyə olunur.

AGP Spread Spectrum

AGP şin tezliyi daim dəyişir.

Bu seçim üçün adi dəyər Disable olunur.

CPU Vcore

CPU (prosessor) gərginliyi. Tipik olaraq AUTO olaraq ayarlanır. Prosessoru overclock edərkən gərginliyin 1.65 V-dən yuxarı qalmadığına əmin olun, baxmayaraq ki, gərginlik prosessorun özündən daha çox asılıdır.

AMD prosessorları üçün icazə verilən gərginlik 1,5-1,65 V-dir (prosessordan asılı olaraq), lakin Intel üçün gərginliyi 1,5V-dən yuxarı qaldırmamağınız məsləhətdir.

Graphics Aperture Size

Video yaddaşının ölçüsü.

Bu seçim yalnız inteqrasiya olunmuş video kartı ilə əlaqədardır.

AGP Frequency- AGP tezliyi

AGP şin tezliyi. Ümumiyyətlə AUTO olaraq ayarlanır.

System BIOS Cacheable

Keşləmə həmişə yaxşı olmur. DOS-əməliyyat sistemi yoxdursa (çox güman ki, belədir), bu seçimi aradan qaldırmaq daha yaxşıdır.

Video RAM Cacheable

Seçim video kartın RAM—ını ikinci səviyyəli keş yaddaş kimi nəzərə almağa imkan verir.

Bununla birlikdə indi video kartın RAM-ı Windows əməliyyat sistemi tərəfindən çox nadir hallarda istifadə olunur. Buna görə də keş yaddaşı lazımsız məlumatlarla bağlamamaq üçün bu seçimi aradan qaldırmaq daha yaxşıdır.

DDR Reference Voltage-DDR İstinad Gərginliyi

DDR modullarındakı gərginliyi müəyyən etməyə imkan verir.

Ümumiyyətlə Normal olaraq ayarlanır.

Beləliklə biz Advanced Chipset Features mövzusu ilə tanış olduq. Sonda bir müəllif kimi qeyd etmək istəyirəm ki, elektron dərsliyim müstəqil öyrənmək istəyən yeni başlayan istifadəçilər, müəllimlər və istehsalat təlimi ustaları üçün nəzərdə tutulub. İnanıram ki, yeni öyrənən istifadəçilər üçün bu elektron dərsim də faydalı olacaq. Odur ki, xeyirxah iş görmək imkanını qaçırmayın. Mövzunu sosial şəbəkələrin birində paylaşın. Kanalıma abunə olun ki, bu elektron dərsdən digər dostlarınızda yararlana bilsinlər. Baxdığınız və kanalımı izlədiyiniz üçün sizlərə təşəkkür edirəm.

Müəllif: Şaiq Qədirov

© İstifadə edilərkən gadirov.com-a istinad olunmalıdır