Təsvirlərin çözümlülüyü haqqında bugünkü, elektron dərsimizin əsas mövzusu olacaq. Odur ki, əziz dostlar, dəyərli oxucularım və dinləyicilərim, həmçinin gadirov.com saytının daimi ziyarətçiləri, youtube abunəçilərim və sosial şəbəkə istifadəçilərim sizləri Dizayn Proqramları moduluna həsr olunmuş elektron dərsliyində salamlayıram.
Məqalənin mündəricatı
Təsvirlərin çözümlülüyü haqqında
Təsvir çözümlülüyü nədir?
Təsvirlərin çözümlülüyü piksellərlə ayrılmaz şəkildə bağlıdır. Təsvir çözümlülüyü müəyyən bir boşluğa neçə piksel yerləşəcəyini təyin edən bir ölçü vahididir. Bu da piksellərin nə qədər böyük və ya kiçik olacağını idarə edir. Rəqəmsal təsvirin çözümlülüyü aşağıdakı kimi qeyd olunur: 1920 × 1280. Belə bir qeyd görüntünün 1920 piksel enində və 1280 piksel hündürlükdə olması deməkdir. Yəni bu rəqəmlər bir sıra və sütundakı ən kiçik kvadratların sayından başqa bir şey deyildir.
Təsvirlərin çözümlülüyü nədən aslıdır?
Yeri gəlmişkən, bu iki ədədi — 1920 × 1280-i bir-birinə vursaq mənim nümunəmdə 2.457.600 piksel alırıq. Müəyyən bir görüntünü meydana gətirən “xanaların» ümumi sayını əldə edirik. Bu rəqəm qısaldılmış şəkildə 2,5 meqapiksel (MP) kimi yazmaq olar. Bildiyimiz kimi rəqəmsal kameranın və ya məsələn, bir smartfondakı kameranın xüsusiyyətləri ilə tanış olduqda belə qısaltmalara rast gəlmək olar. Bu isə texnologiya istehsalçıları məhsullarının edə biləcəyi həddi göstərirlər. Bu o deməkdir ki, meqapiksel (MP) sayı nə qədər çox olarsa, gələcək təsvirlərin də çözümlülüyü o qədər yüksək ola bilər.
Beləliklə, təsvirin çözümlülüyü nə qədər yüksək olarsa, piksellər bir o qədər kiçik olur, yəni görüntünün keyfiyyəti və detallığı artır. Ancaq daha yüksək çözümlülüklü bir təsvir daha çox yer tələb edəcək. Hər piksel müəyyən bir məlumat saxladığından sayında artım olduğu üçün daha çox kompüter yaddaşı tələb olunur ki, bu da faylın həcminin böyüməsi deməkdir.
Məsələn, 655 × 510 çözümlüklü təsvir olan şəkil 58 KB yer tutduğu halda, 5184 × 3456 çözümlüklü bir şəkil 6 MB tutacaqdır.
Beləliklə biz Təsvirlərin çözümlülüyü haqqında mövzusu ilə tanış olduq. Sonda bir müəllif kimi qeyd etmək istəyirəm ki, elektron dərsliyim müstəqil öyrənmək istəyən yeni başlayan istifadəçilər, müəllimlər və istehsalat təlimi ustaları üçün nəzərdə tutulub. İnanıram ki, yeni öyrənən istifadəçilər üçün bu elektron dərsim də faydalı olacaq. Odur ki, xeyirxah iş görmək imkanını qaçırmayın. Mövzunu sosial şəbəkələrin birində paylaşın. Kanalıma abunə olun ki, bu elektron dərsdən digər dostlarınızda yararlana bilsinlər. Baxdığınız və kanalımı izlədiyiniz üçün sizlərə təşəkkür edirəm.
© İstifadə edilərkən gadirov.com-a istinad olunmalıdır
