Excel proqramının müasir praktikaya tətbiqi bugünki, elektron dərsimizin əsas mövzusu olacaq. Odur ki, əziz dostlar, dəyərli oxucularım və dinləyicilərim, həmçinin gadirov.com saytının daimi ziyarətçiləri, youtube abunəçilərim və sosial şəbəkə istifadəçilərim sizləri Hesablama Əməliyyatları moduluna həsr olunmuş elektron dərslikdə salamlayıram. Bildirmək istəyirəm ki, bu nəşrin məzmunu müstəsna olaraq “Azərbaycanda Peşə Təhsili və Təliminin inkişafına Avropa İttifaqının dəstəyi” Texniki Yardım layihəsinin məsuliyyətidir və heç bir halda Avropa İttifaqının mövqeyini əks etdirmir. Qeyd etmək istəyirəm ki, bu saytda dərc olunacaq Hesablama Əməliyyatları modulu ilə bağlı mövzular Hesablama Əməliyyatları kitabının elektron versiyasında da mövcuddur. Həmin dərslikdən də istifadə edə bilərsiniz.
Məqalənin mündəricatı
Excel proqramının müasir praktikaya tətbiqi
Diaqramların yaradılmasında Excel proqramının rolu nədir?
Microsoft Excel 2016 proqramı müasir iqtisadiyyatda bir çox qarşıya çıxan məsələlərin həllini sadələşdirdiyi kimi histoqramların, nöqtəli diaqramların, xətti qrafiklərin və ya piktoqramların qurulması prosesini detallı formada avtomatlaşdırır. Beləliklə, Excel 2016 proqramının Cart modulu (yəni, qrafik diaqram qurma modulu) qoşulur və nəticədə Excel 2016 bizə lazım olan histoqramların, nöqtəli diaqramların, xətti qrafiklərin və ya piktoqramların qrafikinin qurulması prosesini tamamlayır.
İqtisadi məsələlərdə Excel proqramının tətbiqi hansı nəticələr verir?
Excel 2016 proqramının tətbiqi həm də çox parametrli məsələlərdə histoqramların, nöqtəli diaqramların, xətti qrafiklərin və ya piktoqramların qurulmasında yaxşı nəticələr verir. Belə ki, Excel 2016 çoxlu vaxt tələb edən hesablamaları qısa müddətə yerinə yetirir, nəticədə hesablama prosesində olan səhvlərin və xətaların sayı az olur.
Müxtəlif peşələrdə Excel proqramının real tətbiqi
Dülgər öz peşəsindən olan məsələlərdə Excel-i belə istifadə edə bilər: hər bir ağac materialının qalınlığa və uzunluğa görə sınma əmsalını bir cədvəl halında qeyd etsə, istənilən böyük qabaritli detalın hazırlanması prosesində çox asanlıqla hansı detaldan hansı uzunluqda və qalınlıqda istifadə edəcəyini əvvəlcədən bilər. Bu da onun həm vaxt itkisinin, həm də maliyyə itkisinin qarşısını alar.
© İstifadə edilərkən gadirov.com-a istinad olunmalıdır
