Biznes-plan nədir? Biznes planın strukturu və tərkibi bugünki, elektron dərsimizin əsas mövzusu olacaq. Odur ki, əziz dostlar, dəyərli oxucularım və dinləyicilərim, həmçinin gadirov.com saytının daimi ziyarətçiləri, youtube abunəçilərim və sosial şəbəkə istifadəçilərim sizləri Sahibkarlıq moduluna həsr olunmuş elektron dərslikdə salamlayıram. Bildirmək istəyirəm ki, bu nəşrin məzmunu müstəsna olaraq “Azərbaycanda Peşə Təhsili və Təliminin inkişafına Avropa İttifaqının dəstəyi” Texniki Yardım layihəsinin məsuliyyətidir və heç bir halda Avropa İttifaqının mövqeyini əks etdirmir. Qeyd etmək istəyirəm ki, bu saytda dərc olunacaq Sahibkarlıq modulu ilə bağlı mövzular Sahibkarlıq kitabının elektron versiyasında da mövcuddur. Həmin dərslikdən də istifadə edə bilərsiniz.
Məqalənin mündəricatı
Biznes-plan nədir? Biznes planın strukturu və tərkibi
Biznes nədir?
Terminologiya lüğətlərində “biznes” – “gəlir əldə etməyə yönəldilmiş iqtisadi fəaliyyət” kimi izah edilir, yəni bizneslə məşğul olmaq, gəlir əldə etmək deməkdir. Biznesin məqsədi isə gəlir əldə etməkdir.
Biznes plan nədir?
Görüləcək işin ideyasından, məqsədindən və bu ideyanın, məqsədin həyata keçirilməsindən, təşkilindən ibarət olan plana biznes plan deyilir.
Biznes planın tərtib edilməsi nə üçün əhəmiyyətilidir?
- Biznes plan – biznesin, yəni gəlir əldə etməyin idarə olunmasının əsaslarını hazırlamaqda istifadə edilə bilər.
- Biznes plan elə bir alətdir ki, iş adamı onun köməkliyi ilə təsərrüfatın müəyyən dövr ərzində faktiki fəaliyyətinin nəticələrini qiymətləndirə bilər.
- Biznes plan – təsərrüfatın inkişafına pul vəsaitinin cəlb edilməsinin, “tapılmasının” vasitəsidir.
Biznes plan hansı bölmələrdən ibarətdir?
- Xülasə
- Müəssisənin təsviri.
- Məhsul və xidmətlər.
- Marketinq planı.
- İstehsal planı.
- Müəssisənin strukturu və idarəetmə.
- Kapital və müəssisənin təşkilati-hüquqi forması.
- Maliyyə planı.
Biznes plan nə vaxt yazılır?
1.maliyyə vəsaitlərini cəlb etmək üçün;
2.müəssisəni idarə etmək üçün;
3.maraqlı tərəflərlə daha dəqiq əlaqələr qurmaq üçün;
4.bizneslə məşğul olmaq qərarı qəbul edildikdən sonra;
5.müəssisənin yaradılmasına başlamazdan əvvəl;
6.müəssisəni təzələmək ehtiyacı yarandıqda.
Biznes planı kim yazır?
Hər bir iş adamı üçün əvvəlcədən biznes planın tərtib edilməsi olduqca vacibdir və əksinə, bunsuz işə başlamaq kompassız okeana çıxmağa və tanımadığın bir ölkəyə xəritəsiz səyahətə getməyə bənzəyir.
© İstifadə edilərkən gadirov.com-a istinad olunmalıdır
