Qida bloku və UPS haqqına məlumat bugünkü, elektron dərsimizin əsas mövzusu olacaq. Odur ki, əziz dostlar, dəyərli oxucularım və dinləyicilərim, həmçinin gadirov.com saytının daimi ziyarətçiləri, youtube abunəçilərim və sosial şəbəkə istifadəçilərim sizləri Kompüter Texnologiyasının Əsasları moduluna həsr olunmuş elektron dərsliyində salamlayıram.
Məqalənin mündəricatı
Qida bloku və UPS haqqına məlumat
Qida Bloku nədir?
Kompüterin korpusunun içərisində sistem lövhəsi ilə yanaşı qida bloku (power unit; блок питания) yerləşir.
Qida Blokunun vəzifəsi nədir?
Bu blokun bir sıra vəzifələri var:
- Divardakı rozetdən gərginliyi qəbul edərək, dəyişən cərəyan sabit cərəyana çevirir;
- Gərginliyi sistem lövhəsinə və onun elementlərinə verir;
- Xarici yaddasaxlama qurğularına gərginlik verir;
- Ventilyator vasitəsilə sistem blokunun içərisini soyudur;
- Özünün yandırıb-söndürmə düyməsi olur və ya bir birbaşa ona qoşulur;
Qida blokunun əsas texniki xarakteristikası nədir?
Qida blokunun əsas texniki xarakteristikası vatt-la istifadə olunan gücüdür. Sistem blokunun içərisini nə qədər çox ‘‘doldursan’’ qida bloku da daha güclü olmalıdır. Adi kompüterlər 150-200 vatt , daha güclü sistemlər isə 300 və hətta 350 vatt güc işlədir. Kompüter işləyərkən əsasən hay-küy mənbəyi məhz qida blokudur daha doğrusu sistem blokunun daxilində temperaturu tənzimləmək üçün qida blokunda quraşdırılmış ventilyatordur.
Qida blokunun sıradan çıxmasının qarşısını almaq yollarından biri kəsilməz qida mənbəyindən (UPS – Uninterruptable Power Supply) istifadə etməkdir.
© İstifadə edilərkən gadirov.com-a istinad olunmalıdır
